"Oğlaq"lar

OĞLAQ (20 Dekabr – 20 Yanvar)
Sədi, Nəsimi

Oğlaq bürcünün xarakteristik əlamətləri

Nişanı Yerdir. Saturnun himayəsindədir. Günəşin Oğlaq bürcündən keçdiyi dövrdə doğulanlar tərs, inadcıldırlar. Ağıllıdırlar. İstər fiziki, istərsə də mənəvi cəhətdən dözümlüdürlər. Real həyatla yaşayır, işləməyi bacarır və xoşlayırlar. Var qüvvə ilə uğur qazanmağa can atır və addım-addım, pillə-pillə məqsədə yaxınlaşır, nəticədə istəyə nail olurlar.
Bu nişan altında doğulanlar həmişə hörmət qazanırlar. Amma çox qapalı olduqlarından onlarla açıq söhbət etmək çətindir.
Doğum tarixi Oğlaq bürcü ilə bağlı olanlar ənənəni, ədəb-ərkanı, sabitliyi xoşlayırlar. Məqsədsiz qərar qəbul etmir, tez qızışan və ehtiyatsız iş tutan deyillər. Zahirən təkəbbürlü görünsələr də, daxilən öz tənhalıqlarından əzab çəkir və çevrədə olanların rəğbətini qazanmaq istəyirlər. Çox vaxt həssas və utancaq olur, lakin bunu böyük səylə gizlədirlər. Məğrurluğu onlara əzab-əziyyət gətirir.
Oğlaq bürcündə doğulanlar parlaq zəkalı, güclü yaddaşlı olurlar. Ömürlərinin ikinci yarısı birinci yarısından xoş keçir. Evlənmək qərarına gəlsələr də, çox gec evlənirlər. Subayların çoxu bu nişan altında doğulanlardır.

Oğlaq bürcü və simvollar :
Planeti: - Saturn

Elementi: - Torpaq

Xüsusiyyəti: - Liderlik

Uğurlu rəqəmi: - 2 və 8

Günü: - Şənbə günü

Uğurlu daşı: - Firuzə

Rəng: - Tünd yaşıl və qəhvərəngi

Heyvan: - Keçi və buynuzlu heyvanlar